السلام عليكم متابعي مدونة
بروتوتايب أركيتكت
أسعد الله أوقاتكم بكل خير أتمنى
أن يكون الجميع في صحة جيدة
كورس Shop Drawing 💪💪
الشوب دروينج هو رسومات بتعملها الشركة المنفذة توضح بيها تفاصيل اللوح اللي عملها المصمم .. ولازم يكون عندك اللوحات الاولية للمشروع "Tender" عشان ترسم الشوب درووينج للمشروع .. اللوحات دي الي هي تصميم الاستشاري "Designer" الي بيسلمها للشركة
يعني ببساطة الـShop Drawing هو توضيح لتفاصيل التصميم "Tender" عشان يقدر الصنايعي يشتغل عليها لإن هنا بيظهر اهمية الشوب دروينج الي بيوضح كل بند في التصميم
وشركات المقاولات و المكاتب يقلك عاوزين مهندس يعرف يشتغل shop drawing و يعرف يعملى حصر للكميات كمان :] .. لإنهم عارفين لو انت مصمم ومتعرفش حاجه عن الشوب دروينج وحصر الكميات يا اما في المستقبل هتكون مدير كا اسم فقط او هتقعد في البيت
---------------------------------------
زي ما اتفقنا ان دي مرحلة مهمه جدا فى المشروع وهي مرحله تعتبر من المراحل الاخيرة بعد التصميم المعمارى و الانشائى الكامل للمشروع والمصممين الانشائيين بيطلعوا اللوح كلها وبيبقى اسمها “ design drawings”
....
اللى بتبقى فيها حديد قد ايه فى المتر سواء فى القواعد او الاسقف و السلم و حديد الكمرات و الاعمده و يديك كمان سمك القواعد العاديه و المسلحه و سمك بلاطه الاسقف و ابعاد الكمرات و الاعمده و يديلك اللوح دى تنزل بيها الموقع :]
....
يجى بقى عم " النجار " و عم " الحداد " يقف يقولك يا بشمهندس هنشتغل ازاااى فين المسافات و هقطع كام حته حديد بقطر كام ...؟؟؟
....
هو ليه قال كده عم "النجار" عشان مش لاقى ابعاد كتير على اللوحه يعرف يبتدى منها الشغل فى القواعد و الاكسات ولا لاقى ابعاد على الاسقف عشان يعرف يحط الخشب فين و ميحطش فين ولا عارف القاعده دى منين ولا العمود ده فين و يبص لى لوحه السقف و يشوف فيها cantliver طب ابعاده ازااى ده يا هندسه عشان نجارته ؟؟!!!
....
و يجى يكمل عليك عم "الحداد" يقلك يا هندسه اقطع حديد قد ايه للقواعد و الاشاير و لما تيجى للسقف يقلك نفس الكلام اقطع كام حته بقطر كام و طولها قد ايه للسقف و الكمر و السلم :]
-----------------------------------------------------------
ده مفهوم shop drawing
- انك تعمل تفاصيل كامله فى المشروع من ابعاد للنجار عشان يعرف يشتغل و تعمل تفاصيل كامله لحديد المشروع كله من اطوال و كميات و اشكال للحديد لعم " الحداد"
- ان شاء هنتعلم كل ده فى الكورس فى " 10 محاضرات "
- - ازااى نقرا اللوحات الانشائيه للمشروع “design drawings” ( لوحه الاساسات– المحاور و الاعمده – البلاطات والكمرات)
- - ازاى نحول لوح التصميم الانشائي الي لوح تنقيذه للموقع “shop drawings”بكل التفاصيل
- - ازاى نحصر كميات الخرسانه للمشروع ( قواعد – اعمده – كمرات – بلاطات ) بطريقه سهله و سريعه و دقيقة و نشتغل على الاكسل
لا تنسى مشاركة هذه التدوينة مع
أصدقائك عبر مواقع التواصل ليستفيد الجميع
إدعمنا بالاشتراك في المدونة ومتابعتنا على الفيسبوك - تويتر - بنترست - تمبلر ليصلك كل الجديد
أستودعكم الله الذي لا تضيع
ودائعه في أمان الله و حفظه